Қазақстан БҰҰ-ның бітімгершілік миссияларына 430 әскери қызметшіні жібереді

Қазақстан Біріккен Ұлттар Ұйымының (БҰҰ) бітімгершілік миссиясы аясында Орталық Африка Республикасына, Конго, Мали және Ливанға 430 әскери қызметшіні жібереді.

30 Haziran 2022 17:10

Қазақстан Парламентінің бірлескен отырысында осы мәселе бойынша Президенттің Жарлығы бекітілді.

Тиісінше, Қазақстан БҰҰ бітімгершілік миссиясы аясында Орталық Африка, Конго, Мали және Ливанға 430 әскери қызметші жібереді.

Қазақстан Республикасы Қорғаныс министрі Руслан Жақсылықов өңірдегі және бүкіл әлемдегі ұлттық қауіпсіздік үшін жаңа тәуекелдер жағдайында әскери қызметшілердің жауынгерлік дағдыларын нығайту және практикалық тәжірибе алу маңызды екенін атап өтті.

"Осыған байланысты БҰҰ Жарғысының 7-ші бабына сәйкес, Қазақстан Қарулы Күштерінің Орталық Африка, Конго, Мали және Ливандағы бітімгершілік миссияларына қатысуын ұлғайту орынды деп санаймын. Қазақстан БҰҰ миссияларында аса сұранысқа ие медициналық, барлау, инженерлік және әскери полиция бөлімшелерін, атап айтқанда штаб офицерлерін де, әскери байқаушыларды да жіберуге дайын." - деп мәлімдеді Жақсылықов.