Қазақстан мен Өзбекстан Қорғаныс министрліктері ынтымақтастық туралы келісімге қол қойды

Өзбекстанға ресми сапармен келген Қазақстанның Қорғаныс министрі генерал-лейтенант Мұрат Бектанов Өзбекстан Қорғаныс министрі генерал-лейтенант Бахадыр Құрбановпен кездесті. Бұл туралы Өзбекстан Қорғаныс министрлігі мәлімдеді.

22 Kasım 2021 23:15

Кездесу барысында екі ел арасындағы әскери-техникалық ынтымақтастық және өңірлік қауіпсіздік мәселелері талқыланды.

Осы айдың басында Қазақстанда екі елдің қарулы күштерінің қатысуымен "Қалқан-2021" және Өзбекстанда жалғасын тапқан "Серіктестік-2021" бірлескен әскери оқу-жаттығуларын өткізген министрлер пікір алмасып, әскери саладағы ынтымақтастықты одан әрі дамыту туралы уағдаласты.

Кездесу қорытындысы бойынша Бектанов пен Құрбанов Қазақстан мен Өзбекстан арасындағы әскери саладағы бірлескен іс-шаралардың өткізілуін көздейтін келісімге қол қойды.

Еліміздің әскери делегациясы Өзбекстанға іске асырып келе жатқан сапары аясында Өзбекстан Қарулы Күштерінің Академиясына және "Чимян" тау полигонына, сондай-ақ екі елдің әскерлерінің қатысуымен Ауғанстан шекарасына жақын орналасқан Тирмиз полигонында өтіп жатқан "Серіктестік-2021" бірлескен оқу-жаттығу жеріне барады деп күтілуде.