Қазақстанда коронавирустың өршуіне байланысты шекараларда сақтық шаралар күшейтіледі

Қазақстан-Ресей шекарасында шектеу шаралары мен карантин талабы енгізіледі.

26 Ekim 2021 14:36

Қазақстан Премьер-Министрі Асқар Мамин үкіметтің апта сайынғы отырысында сөйлеген сөзінде елдегі індетке қатысты жағдай жалпы бақылауда екенін хабарлады.

Мамин көрші елдерде, атап айтқанда Ресейде эпидемиологиялық жағдайдың нашарлағанына байланысты тиісті ведомстволарға шекарадағы бақылауды күшейтуді және шекараға жақын қалаларда карантиндік шараларды күшейтуді тапсырды.

Денсаулық сақтау министрі Алексей Цой соңғы 2 аптада елімізде Ковид-19 инфекциясын жұқтырған адамдардың саны төмендегенін атап өтті.

Цойдың айтуынша, Нұр-Сұлтан мен Алматы қаласы "қызыл" санаттан шықты. Ал Ақмола, Қостанай, Павлодар мен Шығыс Қазақстан әлі қауіпті тізімде орналасқан.

Еліміздің Денсаулық сақтау министрлігінің мәліметінше, өткен тәулікте бүкіл ел бойынша 1353 коронавирус науқасы анықталды, жұқпалы індетке шалдыққандардың жалпы саны 931 мың 137. Екпе салған адамдардың саны 7 миллионнан асты.