Әлем көшбасшылары Шавкат Мирзиеевті тағы бір рет президенттік сайлауда жеңгенімен құттықтап жатыр

Бірқатар елдің президенттері Ш.Мирзиеевпен телефон арқылы сөйлесті.

26 Ekim 2021 00:58

Өзбекстан президентінің баспасөз қызметінің хабарлауынша, Түркияның президенті Режеп Тайип Ердоған Мирзиеевті Өзбекстандағы президенттік сайлаудағы жеңісімен құттықтады. Ердоған Мирзиеевке қызметінде табыс тілеп, сайлау нәтижелері ел халқының Өзбекстандағы өзгерістерді кеңінен қолдайтынын көрсеткенін атап өтті.

Мирзиеев сондай-ақ, Ердоғанды және түрік халқын алдағы 29 қазан күні өтетін Республика мерекесімен құттықтап, бейбітшілік пен тыныштық тіледі. Екі көшбасшы өзара сауданы күшейту, ірі инвестициялық жобаларды іске асыру және білім беру бағдарламаларын іске асыру бойынша бірлескен күш-жігерді жалғастырудың маңыздылы туралы тақырыптарды қозғады.

Ресей президенті Владимир Путин де сайлауда жеңіске жеткен Мирзиеевті құттықтады. Путин достас Өзбекстан халқына табыс тіледі. Екі елдің президенті екіжақты стратегиялық одақтастық қатынастарды одан әрі дамытудың өзекті мәселелерін талқылап, жоғары деңгейдегі келіссөздердің егжей-тегжейіне тоқталды.

Қазақстан президенті Қасым-Жомарт Тоқаев,  Қазақстанның Тұңғыш президенті Нұрсұлтан Назарбаев, Түркіменстан президенті Гурбангулы Бердімұхамедов, Тәжікстан президенті Имамали Рахман, Қырғызстан президенті Садыр Жапаров және Беларусь президенті Александр Лукашенко да Мирзиеевті президенттік сайлаумен құттықтап өтті.