Түркі кеңесіне мүше елдердің ортақ медиа-форумында түркі әлемінің телехикая-фильм индустриясы талқыланды

Форумның салтанатты ашылуы рәсімінен кейін ТРТ телерадиокорпорациясының Бас директоры Мехмет Захид Собаджының төрағалығымен "Түркі әлемінде телехикая-фильм индустриясы" атты сессия өткізілді.

22 Ekim 2021 22:25

Собаджи телехикая мен фильмдердің ортақ құндылықтар мен мәдени мұраны қорғауға елеулі үлес қосатынын атап өтті.

Бас директор ТРТ-ның телехикаялары мен көркемді фильмдеріне тоқталып, бұл салаға қомақты инвестиция салынып жатқаны туралы айтты. Сондай-ақ қазіргі уақытта түрік телехикаяларды 500 миллионға жуық адам тамашалайтынын айтқан Собаджи, көп сериялы фильмдерді шығару және сату бойынша Түркияның АҚШ-тан кейін 2-ші орында екенін еске салды.

Собаджи мырза әлемдегі цифрландыру процестері, саяси және экономикалық оқиғалардың арасында ұлттық бірлік пен мәдениетті қорғау және нығайту қажеттілігне тоқталды:

"Ұлттық бірлікті, келісім мен мәдениетті қорғау және нығайту үшін бұдан әрі де салмақты қадамдар жасау қажет. Бұл тұрғыда ТРТ АВАЗ телеарнасы басым орынға ие. ТРТ АВАЗ түркі әлемінің бірлігін нығайту, көрермендерге түркі әлеміндегі саяси және экономикалық оқиғаларды, сондай-ақ күнделікті өмірді көрсету бойынша елеулі жұмыс атқаруда. Сонымен қатар аталмыш телеарна түркі әлемінің мәдениетін, өнері мен әдебиетін кең аумақтарға тарату үшін бар күшін салуда," - деп жалғастырды.

"Түркиямен ынтымақтастықты дамыту өте маңызды"

«QAZAQSTAN» телерадиокорпорациясының (РТРК) басқарма кеңесінің төрағасы Ләззат Танысбай форумда сөз сөйлеп, ұлттық ерекшеліктер мен уәждерге назар аударды.

"Біз түрік бауырларымыздан үлгі аламыз. Сіздің өндіретін фильмдеріңіз біздікіндей әсерлі. Тәжірибе алмасып, ынтамақтастығымызды нығайтамыз деп үміттенемін," - деді. 

Сондай-ақ Танысбай түркі әлемінде көрнекті орын алатын Қорқыт Ата туралы көп сериялы фильм түсірілуі туралы мәліметтермен бөлісті.

Сессияға қатысқан қазақстандық режиссер Ақан Сатаев: "Қазақ киноиндустриясы - 100 миллион долларлық индустрия. Түркиямен деген ортақ серіктестігіміздің арқасында бұл санның 2-3 есе артуы мүмкін. Жалпы тарих пен мәдениетке қатысты көптеген жобаларды жүзеге асыруға және тұрақты етуге болады. Бірге жетістікке жетейік," - деген пікірімен бөлісті.