Түркі Кеңесіне мүше мемлекеттердің Экономика министрлері Бакуде кездесті

Түркітілдес елдер ынтымақтастығы кеңесіне (Түркі Кеңесі) мүше елдердің Экономика министрлері Бакуде ұйымдастырылған 10-шы жиналысқа қатысты. Отырыста "Түрлі экономикалық аймақтар арасында білім мен тәжірибе алмасу бойынша өзара түсіністік туралы" декретке қол қойылды.

10 Eylül 2021 18:47

Әзірбайжанның Экономика министрі Микаил Джаббаров пен Түрік Кеңесінің Бас хатшысы Бағдад Әміреевтің төрағалығымен ұйымдастырылған кездесуге Қазақстанның Сауда және интеграция министрі Бақыт Сұлтанов, Түркияның Сауда министрі Мехмет Муш, Қырғызстан Министрлер Кабинеті төрағасының орынбасары, Экономика және қаржы министрі Ақыбек Жапаров, Өзбекстанның Инвестициялар және сыртқы сауда министрінің орынбасары Азиз Войтов және Мажарстанның Сыртқы істер және сауда министрлігінің Мемлекеттік хатшысы Петер Штарай қатысты.

Кездесудің күн тәртібінде Түрік инвестициялық қорының "Техникалық-экономикалық негіздеме жұмыыстары" және "Құру туралы келісім", Түрік сауда-өнеркәсіп палатасының құқықтық мәртебесі және басқа да қызмет түрлері, Түркі Кеңесі аймағындағы сауда және инвестициялық режимдерді одан әрі ырықтандырудың қосымша тетіктері және мүше мемлекеттерде Түрік Сауда Үйін құру сияқты мәселелер талқыланды.

Министрлер, сондай-ақ келесі кезеңде Мажарстанда (Будапешт) және Қырғызстанда (Бішкек) өткізілуі жоспарланған іскерлік және инвестициялық форумдарды ұйымдастыру туралы пікір алмасты.

Кездесу қорытындысы бойынша "Түрлі экономикалық аймақтар арасында білім мен тәжірибе алмасу бойынша өзара түсіністік туралы" декретке қол қойылды.