Тоқаев: "Біздің стратегиялық мақсатымыз - Орталық Азиядағы экономикалық көшбасшылығымызды нығайту"

Қасым-Жомарт Тоқаев Қазақстанның стратегиялық мақсаты - Орталық Азия экономикасындағы көшбасшылығын нығайту және әлемдік экономикадағы орнын бекіту екенін мәлімдеді.

02 Eylül 2021 09:36

Тоқаев сөйлеген сөзінде Қазақстан Тәуелсіздігінің 30-шы жылдығы қарсаңында елдің әлеуметтік-экономикалық мақсаттары туралы айтты.

Жұқпалы індеттің теріс әсерінен экономиканы ынталандыруға бағытталған әрекеттерге ерекше назар аударылатынын айтқан Президент: "Біздің стратегиялық мақсатымыз - Орталық Азиядағы экономикалық көшбасшылығымызды нығайту," - деп мәлімдеді.

Бұл үшін елімізде ауыл шаруашылығы, мал шаруашылығы, азық-түлік салаларында экожүйе құруға әлеует бар екенін айта келе Тоқаев, бұдан басқа пайдалы қазбаларды өндіру, мұнай өнімдері, машина жасау, көлік құралдары өндірісі, құрылыс материалдары сияқты салаларда ішкі өндіріс ұлғаятынын атап өтті. Тоқаев ұлттық қауіпсіздік тұрғысынан елде негізгі дәрі-дәрмектерді өндірудің маңыздылығына да назар аударды. 

Тоқаев жер асты ресурстарының әлеуеті жеткілікті зерттелмегенін ескертіп, ұлттық геологиялық барлау қызметі құрылатыны туралы ақпаратпен бөлісті. 
Президенттің айтуынша, 2030 жылға қарай елімізде электр энергиясының тапшылығы күтілуде, Тоқаев бұл мәселені шешудің ең жақсы тәсілі - атом электр станциясы болатынын атап өтті.

"Болашағы Қазақстанмен байланысты әрбір азамат қазақ тілін үйренуге тиіс"

Тоқаев Қазақстанның көпұлтты ел екенін айтып, тіл мен этникалық тиістілікке негізделген кез келген кемсітушілік заңмен сақталатынын атап өтті. Мемлекет Басшысы этникалық топтар арасындағы үйлесімді қарым-қатынас мемлекет саясатының негізгі бағыттарының бірі болуы тиіс екенін атап өтті: "Көптеген пікірлерді сақтай отырып, біз сонымен бірге радикализмнің барлық түрлерін батыл түрде басамыз. Біз Мемлекеттік егемендігіміз бен аумақтық тұтастығымызға қауіп төндірмейміз. Қазақ тілін дамыту мемлекеттің басты стратегиясы болып қала береді. Болашағы біздің елмен байланысты әрбір азамат қазақ тілін үйренуге тиіс."- деп ескертті.