Самаркандда ТМУ Саммитинин жыйынтыктоочу декларациясы жарыяланды

Өзбекстандын Самарканд шаарында Түрк мамлекеттеринин уюмунун IX саммити өттү. Түндүк Кипр Түрк Республикасына ТМУга байкоочу статусу берилди

12 Kasım 2022 21:49

Самарканд шаарында Түрк мамлекеттер уюмуна (ТМУ) катышуучу-өлкөлөрдүн башчыларынын Саммитинин тогузунчу жыйынынын жыйынтыгында бир катар документтерге кол коюлду.

Уюмга мүчө-мамлекеттер — Кыргыз Республикасынын, Азербайжан Республикасынын, Казакстан Республикасынын, Түрк Республикасынын, Өзбекстан Республикасынын башчылары төмөнкү документтерге кол коюшту.

 Түрк мамлекеттер уюмунун 9-Саммитинин Самарканд декларациясы;

— «Түрк тилдүү мамлекеттердин кызматташтыгынын Кеңешин түзүү боюнча Нахичевань макулдашуусуна» өзгөртүү киргизүү жөнүндө протокол;

— «Түрк мамлекеттер уюмунун процедуралар эрежеси» жөнүндө чечим;

— «Түрк мамлекеттер уюмунун соодага көмөктөшүү стратегиясы» жөнүндө чечим;

— «Түрк мамлекеттер уюмунун Башкы катчысын дайындоо» жөнүндө чечим;

Ошондой эле төмөнкүдөй чечимдер кабыл алынды:

— Түрк мамлекеттер уюмуна мүчө-мамлекеттердин өкмөттөрүнүн ортосундагы эл аралык бириктирилген ташуулар жөнүндө макулдашуу жөнүндө;

— Түрк мамлекеттер уюмуна мүчө-мамлекеттердин өкмөттөрүнүн ортосундагы бажы коридорун жөнөкөйлөтүү боюнча макулдашуу жөнүндө;

— Түрк мамлекеттер уюмуна мүчө-мамлекеттердин тиешелүү мекемелеринин ортосундагы персоналды башкаруунун санариптик системалары боюнча өз ара түшүнүшүү меморандуму жөнүндө.