O'zbekistonda turk tadbirkorlari uchun qator sarmoya imkoniyatlari yaratilgan

31 yil avval mustaqilligini e’lon qilgan “qardosh davlat” Turkiya bilan O’zbekiston o’rtasidagi aloqalar yil sayin yaxshilanib bormoqda va bu yil savdo hajmining 5 milliard dollarga yetishi kutilmoqda.

01 Eylül 2022 15:24

O‘zbekiston 1991-yil 31-avgust kuni Sovet Sotsialistik Respublikalari Ittifoqi parchalanish jarayoniga kirganidan keyin o‘z mustaqilligini e’lon qildi.

Turkiya 1991-yil 16-dekabrda Oʻzbekistonni birinchi boʻlib tan olgan boʻlsa, ikki davlat oʻrtasida 1992-yil 4-martda diplomatik munosabatlar oʻrnatilgan.

Keyingi yillarda Turkiya va O‘zbekiston o‘rtasida biraz turg‘un bo‘lgan munosabatlar rivoji Turkiya Prezidenti Rajab Toyyib Erdo‘g‘anning 2016-yil noyabrida Samarqandga tashrifi bilan o‘zgardi.

Prezident Erdog’anning yuqorida tilga olingan tashrifi chog’ida O’zbekiston Prezidenti Shavkat Mirziyoyev bilan bo’lgan uchrashuvidan so’ng ikki davlat o’rtasidagi munosabatlar jonlandi va yangi davr boshlandi.

Shundan so‘ng Mirziyoyev 2017-yil oktabr oyida Turkiyaga tashrif buyurdi va Turkiya va O‘zbekiston o‘rtasidagi savdo aloqalarida yangi davr boshlandi.

2016-yilda 1 milliard 242 million dollar bo‘lgan o‘zaro savdo hajmi 2020-yilda 2 milliard 101 million dollarga, 2021-yilda esa 3 milliard 645 million dollarga yetdi.

O'zbekiston bilan eng ko'p savdo qilgan 5 davlat orasida bo'lgan Turkiya bilan savdo hajmining bu yil 5 milliard dollarga ko'tarilishi kutilmoqda.

Turkiya O‘zbekistonda Rossiya va Xitoydan keyin eng ko‘p kompaniya tashkil etgan uchinchi davlat bo‘ldi.

Turkiya kompaniyalari asosan Toshkent, Samarqand va Farg‘ona viloyatlarida ish olib borayotgan bo‘lsa, turk ishbilarmonlari to‘qimachilik, qurilish, sanoat, sog‘liqni saqlash, savdo va qishloq xo‘jaligi sohalarida faoliyat yuritmoqda.

Turkiya kompaniyalarining O‘zbekistonga kiritgan sarmoyasi 1,5 milliard dollardir. Pudratchi kompaniyalar O‘zbekistonda shu kungacha 5 milliard dollarlik 241 loyihani imzolagan.