Xitoy va O'zbekiston Davlat rahbari Shanxay Hamkorlik Tashkiloti sammiti doirasida uchrashdi

Xitoy Davlat rahbari va O'zbekiston prezidenti O'zbekistonning tarixiy Samarqand shahrida o'tkazilayotgan sammiti oldidan uchrashuv o'tkazdi

16 Eylül 2022 15:14

Uchrashuvda Si Szinpin  va Shavkat Mirziyoyev tomonlar o‘rtasidagi hamkorlikning holati va rivojlanishi yuzasidan fikr almashgan.

Davlat rahbarlari ikki davlat oʻrtasidagi aloqalarni, shuningdek, mamlakatlar oʻrtasidagi hamkorlikni rivojlantirish muhimligini taʼkidlar ekan, ikki davlatning mintaqadagi birinchi forumini joriy yil oxirigacha Oʻzbekistonda oʻtkazishga kelishib olindi.

Sh. Mirziyoev va Si Szinpin Markaziy Osiyo mintaqasi taraqqiyoti va transporti uchun strategik ahamiyatga ega boʻlgan “Xitoy-Qirgʻiziston-Oʻzbekiston” temir yoʻli qurilishini boshlash boʻyicha tarixiy kelishuvdan mamnun ekanliklarini bildirgan.

Uchrashuvdan soʻng ikki davlat oʻrtasida yashil rivojlanish va raqamli iqtisodiyot, togʻ-kon sanoati, qurilish, milliy axborot agentliklari va ikki mamlakat mintaqalari oʻrtasidagi hamkorlikni rivojlantirish, korrupsiyaga qarshi kurashish sohalarida sarmoyaviy hamkorlik boʻyicha 15 ta bitim imzolandi.

Shuningdek, ikki davlat oʻrtasida savdo-iqtisodiy va sarmoyaviy hamkorlikka oid umumiy qiymati 15 milliard dollarlik ikki tomonlama shartnomalar imzolangan.

Sh. Mirziyoyev:

“Bugun biz strategik hamkorligimizni yanada rivojlantirishga qaratilgan qoʻshma bayonotni imzoladik”,- dedi.

Yangi davrda har tomonlama hamkorlikni chuqurlashtirishga kelishib olganliklarini qayd etgan Si Szinpin:

“Xitoy tomoni Xitoy-Oʻzbekiston doʻstligining yangi sahifasini yozishga tayyor”,- dedi.

Uchrashuvdan soʻng Shavkat Mirziyoyev ikki davlat oʻrtasidagi munosabatlarni rivojlantirishga qoʻshgan muhim hissasi uchun Si Szinpinga  “Doʻstlik” ordenini topshirdi.