2021-жылы Осмон дөөлөтүнүн дарылоо ыкмаларын элге чагылдырган музейге меймандар көп келди

Көптөгөн эл аралык сыйлыктардын ээси Султан II. Байезит атындагы саламаттык борборуна келген меймандар Осмон доорундагы медициналык билим жана дарылоо ыкмалары жөнүндө маалымат алып кайтышат.

07 Ocak 2022 15:36

Комплекс 1488-жылы Осмон султаны II. Байезид тарабынан медициналык окуу жай жана оорукана катары курулган. Учурда Тракья университетинин курамында «Ден соолук музейи» катары иштейт.

Осмон доорунда психикалык жактан оорулууларды суу, музыка, жыт жана өнөр менен дарылаган оорукана, жергиликтүү жана чет элдик туристтердин көңүлүн бурууда.

ЮНЕСКОнун Бүткүл дүйнөлүк маданий мурастар тизмесинде орун алган музей эл аралык деңгээлде таанылган. Музейге 2021-жылы 2020-жылга салыштырмалуу 20 пайыздан көбүрөөк мейман келген.

Музейдин директору Рухи Пехливанжыктын айтымында, өткөн жылы музейге эпидемиялык чектөөлөргө карабастан 59 820 адам келген. Музейге келгендер 15-16-кылымдардагы Осмон медицинасынын деңгээли, дарылоо ыкмалары, кандай дарылар колдонулганы менен таанышып кайтышат. Ошондой эле медициналык окуу жайда окутулган сабактар туралуу маалымат ала алышат.

Султан II. Байезид комплекси

Султан II. Байезид 1484-жылы Аккирман жортуулуна аттанып жатканда комплекстин пайдубалын түптөгөн. Курулушу 1488-жылы бүткөрүлгөн. Осмон доорунда медициналык окуу жай, оорукана жана дары дарыларды өндүрүүчү жай катары колдонулган.

1800-жылдардан кийин психикалык оорусу барлар гана дарылана баштаган.

Осмон империясынын акыркы жылдарындагы Балкан согуштарынан кийин музей талкаланып, кароосуз калган.

Тракья университети 1978-жылы имаратты карамагына алып, 1986-жылы реставрацияланып, калыбына келтирилген.