Ак терек, көк терек,бизден сизге ким керек
Ак терек, көк терек-салттуу түрк оюндарынын бири
25 Aralık 2021 09:43
Ак терек, көк терек түрк элдеринин эң манилуу жана кызыктуу оюндарынын бири.
Чогулган балдар, кыздар акты-каралы болуп эки тарапка бөлүнүп, маңдай тескей эки бөлөк тизилип, бири-биринин колдорун бекем кармашат.
Тутум боюнча оюн баштоого укук алган тарап жапырт үн менен:
Ак терек, көк терек,бизден сизге ким керек, – дешет.
Экинчи тарап бир баланын же кыздын атын аташат. Аты аталган бала жүгүрүп келип, каршы тарапта кол кармашып тургандардын бош же алсыз деген жеринен үзүп кетүүгө аракеттенет.
Кол кармашып тургандардын колун бөлө албай калса, өзү ошол тарапка кошулат. Эгерде кармашып турган колду бөлүп кетсе, бөлүнгөн балдардын бир тобун өз тарабына кошуп алат.
Ушундай эле аракетти экинчи тарап жасайт. Оюн бир тараптын оюнчулары эки киши калганга чейин уланат.
Жыйынтыгында кайсы тараптын балдарынын саны көп болсо, ошол тарап уткан болот.
Утулган тарап, уткан тарапка ыр ырдап же бий бийлеп беришет.