Кыргызстандын тышкы соодасынын көлөмү январь-апрелде 48,4 пайызга өстү

2022-жылдын январь-апрель айларында Кыргызстандын социалдык-экономикалык өнүгүүсүнүн жыйынтыктары өсүүнүн оң темпин көрсөттү.

18 Mayıs 2022 14:45

2022-жылдын январь-апрель айларында Кыргызстандын социалдык-экономикалык өнүгүүсүнүн жыйынтыктары өсүүнүн оң темпин көрсөттү. Бул тууралуу экономика жана коммерция министринин биринчи орун басары Чоро Сейитов билдирди.

Анын айтымында, январь-апрелде ички дүң продукциянын көлөмү 203,0 млрд сомду түзүп, өнүктүрүү ишканаларын эсепке албаганда реалдуу өсүш темпи 105,4%га барабар болду, бул өткөн жылдын ушул мезгилине салыштырмалуу 8,4%га көп.

Январь-апрель айларында өнөр жай ишканалары тарабынан 116,0 млрд сомдук продукция өндүрүлүп, 2021-жылдын тийиштүү мезгилине салыштырмалуу өндүрүштүн көлөмү 10,3%га өскөн. Кумтөр кенин иштетүү боюнча ишканаларды эсепке албаганда – 76,5 млрд сом, физикалык көлөмдүн индекси 102,4%ды түздү, - деди ал.

Анын айтымында Республика боюнча орточо айлык акы кичи ишканаларды кошпогондо 20 миң 943 сомду түзүп, 11,4%га өстү.