Түркия Ош шаарындагы жардамга муктаж 154 үй-бүлөгө азык-түлүк жардамын таратты
Түркиянын Диний иштери башкармалыгы жана Диний фонду Рамазан айынын урматына Кыргызстандын Ош шаарындагы жардамга муктаж 154 үй-бүлөгө азык-түлүк жардамын таратты.
06 Nisan 2022 13:49
Гуманитардык жардамды таратуу иш-чарасы Ош шаарынын борбордук аянтында өттү. Кайрымдуулук иш-чарасын Ош шаарынын мэриясы жана Түркиянын Кыргызстандагы элчилиги уюштурган. Жардамды таратуу иш-чарасына Ош шаарынын вице-мэри Венера Рыскулова жана Түркиянын Кыргызстандагы элчисинин дин иштери боюнча кеңешчиси Мүрсел Өзтүрк катышты.
Ош шаарынын вице-мэри Венера Рыскулова ыйык Рамазан айында жардамга муктаж 154 үй-бүлөгө азык-түлүк жардамын көрсөткөн Түркияга ыраазычылык билдирди.
Азык түлүк жардамы 10 кг ун, 5 кг суу май, макарон, күрүч, кант жана чайды камтыйт.
Anahtar Kelimeler: Түркия, Кыргызстан,